«Turkistan media talks: BAQ jáne transformatsııa» semınar-tımbıldıngi ótti
TÚRKІSTAN. QazAqparat - Túrkistanda oblystyq qoǵamdyq damý basqarmasynyń uıymdastyrýymen «Turkistan media talks: BAQ jáne transformatsııa» taqyrybynda semınar-tımbıldıng ótti,dep habarlaıdy QazAqparat óńirlik kommýnıkatsııa qyzmetine silteme jasap.
Shara jýrnalısterdiń biliktiligin kóterip, memlekettik mekeme qyzmetkerleriniń halyqpen jáne BAQ ókilderimen keri baılanysyn nyǵaıtýdy maqsat etti.
Tabıǵat aıasynda ótken tımbıldıngke oblystyń aýdan, qalalarynyń ishki saıasat bólimi, jastar resýrstyq ortalyǵynyń dırektorlary, úkimettik emes uıym músheleri, belsendi jastar jáne BAQ ókilderi qatysty. Erkin formattaǵy basqosýǵa kásibı mamandar, tanymal spıkerler - Garvard ýnıversıtetiniń túlegi, «Mazmundama» qorynyń tóraǵasy Shyńǵys Muqan, Atameken TV ınternet-marketıng bóliminiń basshysy Janasyl Bolatbek, Azamattyq bastamalardy qoldaý ortalyǵy» basqarma tóraǵasynyń orynbasary Janar Tólegenova, QR Prezıdenti janyndaǵy Ulttyq qoǵamdyq senim keńesiniń múshesi, «Qazaqstan Team» respýblıkalyq jastar qoǵamdyq birlestiginiń tóraǵasy, telejýrnalıst Ashat Sadyrbaı dáris oqyp, qatysýshylarmen qyzý pikir-talas uıymdastyrdy. Qatysýshylarǵa mol maǵlumat bergen tımbıldıngte «Kommýnıkatsııalyq menedjment: SMM jáne memlekettik organdar», «Rezonansty jaǵdaıdaǵy »altyn saǵat« erejesi», «Adamdardyń jadynda jattalyp qalardaı jańalyq jasaý», «SMM jáne qyzyqty kontent qalyptastyrý», «Eriktiler jylynda jastardyń róli», «Jergilikti jerlerde memlekettik granttyq qarjylandyrýdy engizý» taqyryptary qozǵaldy.
