Túrkistan mańyndaǵy kisi ólimi: Úsh kúdikti ustaldy
ShYMKENT. QazAqparat - Túrkistanda polıtseıler kisi ólimi boıynsha úsh kúdiktini ustady. Olar er adamdy óltirip, máıitin jasyryp ketken, dep habarlaıdy QazAqparat tilshisi.
Ońtústik Qazaqstan oblysy Іshki ister departamentiniń baspasóz qyzmetinen habarlaǵandaı, Túrkistan qalalyq ishki ister basqarmasyna jergilikti turǵyn aryzdanǵan. Ol ákesi 26 qańtar kúni óz avtokóligimen jumystan shyǵyp, úıine jetpeı qalǵanyn aıtqan. Sodan beri odan habar-oshar bolmaǵan.
«Tártip saqshylary joǵalǵan er adamdy tabý maqsatynda jedel izdestirý sharalaryn júrgizdi. Nátıjesinde, Túrkistan qalasynyń mańynan, jol-kólik oqıǵasyna túsken belgileri bar avtokólik tabyldy. Artynsha ony óltirip, máıitin jasyryp qoıǵan kúdiktiler de ustaldy», - delingen ІІD aqparatynda.
Anyqtalǵandaı, jastary 25 shamasyndaǵy seziktiler oblys turǵyndary bolyp shyqty. Olar kólik ıesin qalaı óltirgenin jáne máıitti qaıda tastaǵanyn kórsetken. Qazirgi tańda osy fakti boıynsha Qylmystyq kodekstiń «Adam óltirý» jáne «Qaraqshylyq» baptarymen is qozǵalyp, sotqa deıingi tergeý amaldary júrgizilýde. Kúdiktiler qamaýǵa alyndy.
