«Túrkistan: Kóne men keleshek kópiri» óner festıvali jalǵasýda
Talantty jastardyń óner dodasy ónerpazdardyń shabytyn shyńdap, úlken sahna tórine shyǵarýǵa jol ashpaq. Mádenıet úıinde ótken saıystyń irikteý kezeńinde qazyǵurttyq talanttar óz ónerlerin ortaǵa saldy.
Oblys ákiminiń baspasóz qyzmetinen málim etkendeı, festıval jergilikti sanıtarlyq-epıdemıologııalyq mekemeler ruqsatymen barlyq talaptardy qatań saqtaı otyryp, kórermensiz ótkizilýde.
Óner keshinde daryndy balalardyń mýzykalyq, oryndaý máneri, sahna mádenıeti men shyǵarmashylyq daralyǵy baǵalandy. «Sazgerler shyǵarmashylyǵy», «Vıa jáne estrada jeke oryndaýshylar», «Juldyzdar», «Tańsholpan» halyqtyq bı ansamblderi, «Balaýsa» bı ansambli óz ónerlerin ortaǵa saldy. «№1 balalar óner mektebi» KMM halyq aspaptar orkestri oqýshylar ujymy jáne basqa da tanymal toptar men ánshiler óner kórsetti. Sondaı-aq qatysýshylar ortalyq mádenıet saraıynda uıymdastyrylǵan qolóner shyǵarmashylyǵy men sýretter kórmesin tamashalady.
Aıta keteıik, Túrkistan oblysy ákimdigi, oblystyq Adamı áleýetti damytý basqarmasy, oblystyq Qosymsha bilim berýdi damytý ortalyǵy, aýdan jáne qalalyq bilim bólimderi uıymdastyrǵan festıval arnaıy keste boıynsha ótkizilip keledi.
Festıvaldiń nátıjesi aldaǵy naýryz aıynda oblys ortalyǵyndaǵy «Aqjaıyq» mýzyka mektebinde ótetin gala-kontsertpen qorytyndylanyp, jeńimpazdar marapattalmaq.
