TÚRKІSTAN: «Kerýen saraıda» kúnine 1000 dollar tabys tabýǵa bolady

NUR-SULTAN. QazAqparat – Túrkistan qalasyndaǵy «Kerýen saraı» týrıstik kesheninde balmuzdaq satatyn Jambyl Sársenbaev kúnine 1000 AQSh dollary kóleminde paıda tabady, dep habarlaıdy Túrkistan oblysy ákiminiń baspasóz qyzmeti.

Bul - onyń pandemııa kezindegi tabysy. Mereke kúnderdegi tabysy taǵy ósedi. Túrkistan qalasynyń turǵyny keshennen birneshe dúńgirshek ashyp alǵan.

«Saýda óte jaqsy. Demalys kúnderi 1 myń dollardyń ústinde paıda tabamyz. Eńbegimizdi aqtap jatyr. Baǵamyz qaladaǵy baǵamen birdeı, qymbat emes. Kelýshiler kóp bolatyn. Demalys kúnderi ıne shanshar oryn bolmaıdy. Oblys ákimdigi jeńildikter usynyp jatyr. 4 paıyzben nesıe beredi. Sony paıdalanatyn bolamyz»,- deıdi ol.

Týrıstik keshendegi saýda sóreleri halyqqa qyzmet kórsete bastady. Munda álemge áıgili brendter saýdasyn júrgizýge qyzyǵýshylyq tanytýda. «Kerýen saraıda» ashylǵan jańa saýda oryndarynyń jumysymen tanysý úshin Túrkistan oblysynyń ákimi Ómirzaq Shókeev týrıstik keshendi aralap shyǵyp, jańadan ashylǵan «Magnum» sýpermarketinde boldy. Jańa gıpermarkette qoljetimdi baǵada azyq - túlik usynylǵan. «Kerýen saraı» týrıstik kesheninde jergilikti kásipkerlerge qoldaý kórsetý maqsatynda Túrkistan oblystyq ákimdiginiń qoldaýymen 4%-ben jeńildetilgen nesıe beriledi.

«Osy «Kerýen saraı« keshenindegi saýda ortalyǵynyń aýmaǵy 23 myń sharshy metrden asady. Bul ınvestorlarǵa, ıańǵı kafe, restoran jáne kıim -keshek saýdasyna arnalǵan. Sonyń 54% ashylýǵa daıyn. Odan bólek, taǵy 20% -men kelissózder júrgizilip jatyr. Túrkistan oblysy ákiminiń tapsyrmasyna sáıkes, ınvestorlarǵa saýda núktelerin jalǵa alýǵa jeńildik berý úshin arnaıy «Túrkistan« áleýmettik - kásipkerlik korporatsııasy» arqyly «ıAssy» bıznes degen nesıe berý jobasy ashyldy. Kásipkerlerge 27 mln. teńgege deıin 4 paıyzben 5 jylǵa deıin kredıt beriledi. ıAǵnı kásipkerler osy aqshany alyp, jóndeý jumystaryna, óz qajetine paıdalanýǵa tolyq múmkindikteri bar. Oǵan qosymsha, osy mádenı - rýhanı ortalyq «Turkistan» arnaıy ekonomıkalyq aımaqtyń aýmaǵyna kiredi. Sondyqtan kóptegen jeńildikter qarastyrylǵan. Barlyq ınvestorlardy osy jerde bıznesin órkendetýge shaqyramyz. Qazirde iri saýda brenderi «Kerýen saraı» kesheninde jumys jasaýǵa qyzyǵýshylyq tanytýda«,-dedi Túrkistan oblysy ákiminiń orynbasary Rashıd Aıýpov.

Túrkistandaǵy Ortalyq Azııadaǵy eń iri «Kerýen-saraı« týrıstik kesheni Qoja Ahmet ıAsaýı kesenesine jaqyn jerde ornalasqan. Investıtsııalyq jobany «Turkistan Tourism City« kompanııasy iske asyrdy. Munda 4 myńnan astam turaqty jumys orny quryldy. Keshenge Jibek joly dáýirindegi saýdagerler men qolónershiler kóshesi, «ushatyn teatr«, amfıteatr, Shyǵys bazary, saýda sóreleri men býtıkter, qonaq úıler men meıramhanalar, SPA jáne fıtnes-ortalyq, kınoteatr, otbasylyq oıyn-saýyq ortalyǵy kiredi. Keshenniń Ortalyq Azııada balamasy joq jáne ol Qoja Ahmet ıAsaýı kesenesinen keıin óńirge týrıster men ınvestıtsııalardy tartatyn basty ortalyqqa aınaldy.