Túrkistan: Kentaýda modýldi mal soıý beketi iske qosyldy
TÚRKІSTAN. QazAqparat - Túrkistan oblysynyń Kentaý qalasyna qarasty Júınek aýylynda modýldi mal soıý alańy ashyldy. Bul - 2019 jyly júzege asyrylatyn basymdyqty 50 jobanyń biri, dep habarlaıdy QazAqparat óńir ákimdigine silteme jasap.
Quny 11 mln teńge turatyn «NurFarhat» sharýa qojalyǵynyń basshysy málim etkendeı, munda mal soıý úshin barlyq jaǵdaı jasalǵan. Bul jerde mal dárigeri, eki qasapshy jáne laboratorııa qyzmet jasaıdy. Jalpy, 5 adam jumys isteıdi. Maldyń saý ne aýrý ekenin tekserip baryp soıýǵa ruqsat beriledi.
Sonymen qatar, veterınar árbir kelgen maldy tizimge alyp, egesininiń aty-jónin kompıýterge engizip otyrady. Bul joba qala ákiminiń tapsyrmasyna sáıkes júzege asyrylyp otyr. Bekettiń ishinde soıylǵan maldy saqtaýǵa arnalǵan tońazytqysh bar. Budan bólek, maldaryn aldyn ala ákelip qoıatyndar úshin qora-jaı jasalǵan.
Sharýa qojalyǵy ıesiniń aıtýynsha, 11 mln teńgeniń 5,5 mln teńgesin memleket sýbsıdııalasa, qalǵanyn sharýashylyqtyń ózi óteýi tıis. Bul memlekettiń arnaıy sharýalardy qoldaýǵa arnalǵan baǵyty. Zamanaýı úlgidegi mal soıý alańy iri qara maldardy eseptegende, kúnine 30 shaqty maldy soıýǵa qaýqarly.
