Túrkistan: Keles aýdanynda ındýstrııaldy aımaq quryldy

TÚRKІSTAN. QazAqparat - Indýstraıldy-ınnovatsııalyq damý baǵdarlamasy aıasynda Keles aýdanynda ındýstrııaldy aımaq qurý maqsatynda Aqtóbe aýyldyq okrýgi aýmaǵynan 300 gektar jer ýchaskesi bólinip, aýdan ákimdiginiń qaýlysy qabyldandy, dep habarlaıdy QazAqparat.

Qurylǵan ındýstrıaldy aımaq óndiristi órkendetýge aıryqsha serpin bermek. Jergilikti atqarýshy organ jańadan qurylǵan ındýstrıaldy ortalyqqa qajetti ınfraqurylymdardy jetkizip, ınvestorlardyń jumysyn aıtarlyqtaı jeńildetetin bolady.

Keles aýdanynda qurylǵan ındýstrıaldy aımaqtyń Respýblıkalyq mańyzy bar A-15 avtomobıl jolynyń boıynda ornalasýy, aldaǵy ýaqytta josparlanǵan aınalma jolǵa jaqyndyǵy, «B.Qonysbaev» keden beketine, kórshiles aýdandarǵa (Shardara, Maqtaaral jáne Jetisaı) jáne jumys kúshin tartý úshin eldi mekenderge jaqyndyǵymen ınvestorlarǵa tıimdi bolmaq.

Búginde ındýstrıaldy aımaq ınvestıtsııalyq jobalardy iske asyrýǵa, otandyq jáne sheteldik ınvestorlardy orta jáne shaǵyn bıznesti damytýǵa barynsha yqpal etetini málim.

Bul jobanyń maqsaty - ónerkásip salasyndaǵy shaǵyn jáne orta kásipkerlikti damytý, jańa jumys oryndaryn ashý jáne bıýdjetke túsetin salyq túsimderin arttyrý.