Túrkistan qandaı mártebege de laıyqty - Bekarys Shoıbekov
ShYMKENT. QazAqparat - Ońtústik Qazaqstan oblysynyń ataýy Túrkistan oblysy bolyp ózgerýi jáne Túrkistan qalasynyń oblys ortalyǵyna aınalýy búkil túrki halyqtary úshin erekshe jańalyq boldy. Bul ózgeristiń barlyǵy shahardyń gúldenýine zor úles qosady. Mundaı pikirdi Túrkistan qalasynyń turǵyny, belgili aıtysker aqyn Bekarys Shoıbekov bildirdi, dep habarlaıdy QazAqparat tilshisi.
«100 jańa esim» jobasynyń jeńimpazy elimizdiń ǵasyrlar boıy saıası jáne rýhanı ortalyǵy bolyp kelgen kóne Túrkistan shaharynyń damyp, órkendeıtinine senimdi.
«Bizdiń Túrkistandyqtar úshin bul kún erekshe tarıhı kún bolyp tur. Elbasymyzdyń jańa oblys týraly, oblys ortalyǵy týraly Jarlyqqa qol qoıýy shynynda óte mańyzdy oqıǵa. Bul búkil el kútken oqıǵa der edim. Sondyqtan búkil túrkistandyqtardy, barsha qazaqstandyqtardy osy úlken qýanyshpen quttyqtaǵym keledi. Sebebi, Túrkistan ataýy qandaı mártebege de, madaqqa da laıyqty. Endi bizdiń aldymyzda osyndaı mártebeli ataqqa saı bolý mindeti tur. Jan-jaqtan qarsha boraǵan quttyqtaýlarymyzdyń ózi kóńilimizdi kókke shalqytyp jiberdi. Alǵashqy áserimizdiń ózin aıtyp jetkize almaı jatyrmyz», - dedi Bekarys Shoıbekov.
Foto:Today.kz
