Túrkistan qalasynyń jańa logotıpi qandaı bolady
TÚRKІSTAN. QazAqparat - Túrkistan qalasynyń jańadan taǵaıyndalǵan ákimi Rashıd Aıýpov oblys ortalyǵy logotıpiniń birneshe jobasyn usyndy. Bul týraly qala ákimdiginiń Facebook áleýmettik jelisindegi resmı paraqshasynda jarııa etildi, dep habarlaıdy QazAqparat tilshisi.
Ákim osy jobalardyń ishinen tańdalǵan úlgi qaladaǵy kóptegen nysandarda paıda bolatynyn atap ótti.
«Sizderge Túrkistannyń jańa logotıpiniń jobasyn usynamyn. Biz onda ejelgi jáne qazirgi zamanǵy mıksti kórsetýge tyrystyq. Qala óziniń tarıhı kelbetin saqtaı otyryp, zamanaýı bolýy kerek. Logotıptiń negizgi saryny Jibek joly boıyndaǵy qozǵalys. Taıaýda ol qoǵamdyq tyńdaýda, sodan keıin máslıhat sessııasynda talqylanatyn bolady. Eger bekitilse, jańa logotıp qaladaǵy kóptegen nysandarda paıda bolady», - dedi qala ákimi Rashıd Aıýpov.
