Túrkistan qalasynyń sáýletin dúrbimen tamashalaýǵa bolady

TÚRKІSTAN. QazAqparat-Túrkistan qalasyndaǵy jańa munara qala jurtshylyǵy men qonaqtary úshin erekshe orynǵa aınalǵaly tur. Burynǵy sý munarasy jańartylyp, aınalasy abattandyrylyp, týrısterdi qabyldaıtyn orynǵa aınaldy - dep habarlaıdy QazAqparat tilshisi.

Túrkistan oblysynyń ákimi Ómirzaq Shókeev jańa demalys aýmaǵynda bolyp, onda atqarylǵan jumystarmen tanysty. Munara jańartylǵan soń onyń eń tóbesine shyǵyp, arnaıy dúrbi arqyly Túrkistandy tamashalaýǵa bolady. Shahardyń kórikti kelbetin, ásirese ıAsaýı kesenesin bıikten kórýge arnalǵan alańy bar. Sonymen qatar jan-jaǵy abattandyrylyp, ádemi alleıaǵa aınalyp keledi. 1901 jyly salynǵan tarıhı munara jańasha keıipke endi.

Oblys ákimi qaladaǵy birqatar jańa saıabaqtardyń jobalarymen tanysty. Jalpy aýmaǵy 25 gektardan asatyn «Tóle bı», «Turan» saıabaqtary jańartylyp, demalys aımaqtarynyń qatary kóbeımek. Munda 20 myńǵa jýyq jasyl jelek egiledi. Sondaı-aq Túrkistan oblysynyń ákimi Ómirzaq Shókeev Kentaý tas jolynyń boıyndaǵy kógaldandyrý barysyn baqylady. Egilgen aǵashtar arnaıy qorshalǵan.
Ómirzaq Shókeev «Tuńǵysh Prezıdent» saıabaǵyn aralap, «Áziret Sultan» memlekettik tarıhı-mádenı qoryq-mýzeıiniń jan-jaǵyn abattandyrý, ınfraqurylymyn jetildirý, týrıstik áleýetin kóterý jolyndaǵy atqarylǵan istermen tanysty. Búginde joba tolyq júzege asýǵa jaqyn tur. Sý júıesi jetildirilip, kesenege jaqyn tustan botanıkalyq baq ósip keledi. Dekoratıvti jáne jemisti aǵashtar otyrǵyzylǵan. Shıe, alma, tut, qaraǵaı jáne ózge de aǵashtar, san túrli gúlder egilgen.