Túrkistan qalasynyń bas jospary men damý strategııasy talqylandy
TÚRKІSTAN. QazAqparat - Túrkistanda oblystyq máslıhatynyń kezekten tys qyryq úshinshi sessııasynda birqatar mańyzdy máseleler talqylandy, dep habarlaıdy QazAqparat.
Oblys ákiminiń baspasóz qyzmetiniń málimetinshe, jıynǵa oblys ákimi Ómirzaq Shókeev, oblystyq máslıhat sessııasynyń tóraǵasy Serikbaı Ibadýllaev, oblystyq máslıhat hatshysy Qaırat Balabıev, maslıhat depýtattary men basqarma basshylary qatysty.
Altynshy shaqyrylymdaǵy oblystyq máslıhattyń kezekten tys qyryq úshinshi sessııasynda Túrkistan oblystyq máslıhatynyń «2019-2021 jyldarǵa arnalǵan oblystyq bıýdjet týraly» sheshimine ózgerister engizý, Túrkistan qalasynyń 2050 jylǵa deıingi damý strategııasyn bekitý, Túrkistan oblysy Túrkistan qalasynyń Bas jospary, Túrkistan oblysynda jerleý jáne qabirlerdi qarap-kútý isin uıymdastyrý qaǵıdalaryn bekitý týraly máseleler qaraldy. Sessııada qaralǵan máselelerge qatysty tıisti sheshimder qabyldandy.
«Bıýdjet turaqtylyǵyn nyǵaıtý qajet. Negizgi maqsatymyz – kiris bóligin tolyqtyrý kózin tabý. Túrkistan oblysynyń bıýdjetin barlyq oblystarmen teń sanaǵan durys emes. Sebebi, Túrkistan oblysy jańadan qurylyp jatyr. Osyǵan túsinistikpen qaraǵanǵa alǵysymdy bildiremin. Qazir tańda ózderińiz bilesizder, oblys ta, Túrkistan qalasy da alyp qurylys alańyna aınalǵan. Bıyldyń ózinde qaladaǵy 11 nysannyń qurylysy aıaqtalyp, paıdalanýǵa beremiz dep otyrmyz», – dedi oblys ákimi Ó.Shókeev.
Sondaı – aq aımaq basshysy «Túrkistan – 2050» damý strategııasy aıasynda josparly túrde jumys júrgizýdiń mańyzdylyǵyn aıtty. Óńirdiń áleýmettik nysandaryn damytyp, gaz, aýyzsý, jaryq jáne jylýmen qamtý, óńirdi kógaldandyrý sekildi san alýan salany qamtıtyn kezek kúttirmeıtinin mańyzdy máseler jaıly naqtylady.
