Túrkistan qalasynyń ákimi jańadan salynyp jatqan alleıanyń jumysymen tanysty
TÚRKІSTAN. QazAqparat – Túrkistan qalasynyń ákimi Rashıd Aıýpov jańadan salynyp jatqan alleıanyń jumysymen tanysty, dep habarlaıdy QazAqparat tilshisi.
Alda eki apta ishinde tolyqtaı aıaqtalady dep josparlanǵan demalys ornynda búginde fýtbol alańy men balalar alańshasy, sondaı-aq jaryqshamdar men oryndyqtar qoıylǵan.
«Kanaldardyń jalpy sany 10-nan asady. Bıyl tórteýi aıaqtaldy. Túrkistanda kún ystyq bolǵandyqtan, mıkroklımatty qurý úshin, adamdar serýendeıtin oryn jasaýymyz kerek. Mundaı oryndar sany keler jyly 30-dan asady dep josparlap otyrmyz. Osy jyly 20-ǵa jýyǵynyń jobasyn daıyndap qoıdyq. Jumystar kóktemge deıin tolyq aıaqtalady», – dedi Rashıd Aıýpov.
Aıta keteıik, alleıadaǵy salynyp jatqan oıyn alańshasy balalar úshin qajettiligin kórsetip otyr Sebebi, alleıa tolyq salynyp bitpese de búldirshinderdiń barlyǵy derlik osynda oınap, demalys kúnderin sol alańshada ótkizetinderin qýana jetkizdi.
Eske salaıyq, alleıanyń qurylys jumystary maýsym aıynda bastalǵan bolatyn. Jaz mezgilinde kanaldardan sý ótip, nátıjesinde shomylýǵa múmkindik beredi. Kanaldyń uzyndyǵy 7 shaqyrymdy quraıdy. Shahardy jasyl qalaǵa aınaldyrý maqsatynda bólingen 32 sektordyń qoldaýymen jan-jaǵyna aǵash egilýde.
