Túrkistan qalasynyń ákimi Eýropalyq odaqqa múshe memleketterdiń elshilerimen kezdesti
TÚRKІSTAN. QazAqparat – Túrkistan qalasynyń ákimi Rashıd Aıýpov jumys saparymen kelgen Eýropalyq Odaqqa múshe memleketterdiń elshilerimen kezdesti. Qazaqstandaǵy Eýropalyq Odaqtyń elshisi Sven-Olov Karlsson bastaǵan delegatsııa músheleri oblystyń ekonomıkalyq jáne týrıstik áleýetimen tanysty, dep habarlaıdy QazAqparat tilshisi.
Horvatııa, Slovakııa, Chehııa, Avstrııa, Germanııa, Rýmynııa, Fınlıandııa elderiniń Qazaqstandaǵy elshileri bas qosqan jıynda yntymaqtastyqtyń perspektıvti baǵyttary talqylanyp, kásipkerlik salasyna jiti mán berildi. Sonymen qatar, meımandar bıznes júrgizýge jasalǵan arnaıy ınvestıtsııalyq múmkindikter jaıly aqparat aldy. Túrkistan qalasynyń qazirgi jasy da qonaqtardyń nazarynan tys qalmady.
Rashıd Abatuly óz sózinde damý qarqyny jandanǵan shaharda 170 myńnan asa halyq bar ekenin jetkizdi. Turǵyndar men týrısterge jaıly jaǵdaı jasaý mańyzdy másele ekendigin sóz etti. Tereń tarıhymen tanymal Túrkistannyń basty baılyǵy Q.A.ıAsaýı kesenesi jaıly jan-jaqty toqtalyp, eski jáne jańa qalany jandandyrý baǵytynda jumystar atqarylyp jatqanyn atap ótti. Kezdesý barysynda Qazaqstandaǵy Horvatııa elshisi Refık Shabanovıch osy jyldyń 2-3 shildesinde ótetin bıznes forýmǵa qaladaǵy týrızm salasynyń qyzmetkerlerin tájirıbe almasýǵa shaqyrdy.
Al, shahar basshysy elshilerdi 12 kún boıy atalyp ótetin Naýryz dýmanǵa qatysýǵa jáne «Jasyl beldeý» qurýǵa, ınvestıtsııa tartýǵa shaqyrdy. Munan soń qonaqtar Q.A.ıAsaýı atyndaǵy Halyqaralyq qazaq-túrik ýnıversıtetinde bolyp, onda ýnıversıtet rektory B.Abdrasılovpen Halyqaralyq baılanystardy nyǵaıtý jónindegi baǵdarlamalar men jobalar jóninde talqylady. Oqý ornynyń mádenıet ortalyǵyndaǵy mýzeıin tamashalap, stýdenttermen erkin formatta kezdesý ótkizdi.
