Túrkistan qalasyndaǵy mektepterge jańa avtobýstar tapsyryldy

TÚRKІSTAN. QazAqparat - Konstıtýtsııa kúni merekesine oraı Túrkistan oblysyndaǵy bilim ordalary jańa avtobýstarǵa ıe boldy. Kólik kiltin mektep basshylaryna oblys ákimi Janseıit Túımebaev tabys etti, dep habarlaıdy QazAqparat.

PAZ-32054 markaly avtobýstardy satyp alýǵa jergilikti bıýdjetten 34 mln 50 myń teńge qarastyrylǵan bolatyn. Jańa avtobýstar endi shalǵaı eldimekenderde turatyn oqýshylardy mektepke tasymaldaý maqsatynda paıdalanylmaq. Atap aıtsaq, Túrkistan qalasy ákimdiginiń bilim bólimine qarasty Úshqaıyq aýyldyq okrýgindegi S.Qojanov mektebinde 120 bala tasymaldanady.

Sondaı-aq Babaı-Qorǵan jalpy orta mektebi men Túrkistandaǵy jas týrıster stantsııasyna da jańa avtobýstar berildi. Mektep dırektorlaryna kilt tabystaý kezinde aımaq basshysy bilim sapasyn kóterý jóninde tapsyrma júktedi.