Túrkistan qalasynda júk kóligi birden 3 jeńil máshıneni baryp soqty
TÚRKІSTAN. QazAqparat - Túrkistan oblysynda birneshe kóliktiń qatysýymen jol-kólik oqıǵasy boldy, dep habarlaıdy QazAqparat.
3 qazan kúni Túrkistan qalasynda birneshe avtokóliktiń qatysýymen jol-kólik oqıǵasy boldy.
Jol apaty ornyna birden tártip saqshylary shyqty.
Polıtseılerdiń anyqtaýynsha Túrkistan qalasy Otyrar móltekaýdany men «Batys Qytaı – Batys Eýropa» tasjolynda «Kamaz» markaly júk kóligi men «Toyota-camry», «RAVON» «Daewoo Nexia» markaly kólikteri soqtyǵysyp, apat bolǵan.
Jol-kólik oqıǵasynyń saldarynan «Daewoo Nexia» avtokóliginiń júrgizýshisi túrli dene jaraqatymen aýrýhanaǵa jansaqtaý bólimine jatqyzylǵan.
Atalǵan jaıt boıynsha «Kamaz» markaly júk kóliginiń júrgizýshisine qatysty QR QK 345-baby 2 bóligimen sotqa deıingi tergeý amaldary bastaldy.
Kólikterge materıaldyq shyǵyn kelgenimen, qaza bolǵandar joq. Saraptama taǵaıyndaldy.
Oqıǵanyń basqa mán-jaıy tergeý barysynda anyqtalady. Búginde tártip saqshylary jan-jaqty tekserý júrgizip jatyr.
