Túrkistan qalasynda jergilikti turǵyn mal urlyǵyn ashýǵa kómektesti
ASTANA. QazAqparat - Túrkistan QІІB-nyń basshylyǵy erekshe qyraǵylyq tanytyp, mal urlyǵyn ashýǵa kómektesken 28 jastaǵy Sembıev Nurdaýletti saltanatty túrde alǵys hatpen marapattady, dep habarlaıdy OQO ІІd baspOasóz qyzmeti.
Oqıǵa 2017 jyldyń 8 qazan kúni bolǵan. Túrkistan QІІB-nyń kezekshi bólimine jergilikti jerdiń 31 jastaǵy turǵyny aryzdanǵan. Ol aryzynda túngi ýaqytta belgisiz tulǵalar jaıylymda júrgen 6 bas asyl tuqymdy angýs sıyryn urlap ketkenin kórsetken. Jábirlenýshige keltirilgen materıaldyq shyǵyn 3 mıllıon teńgeni qurap otyr.
Atalǵan jaıt boıynsha QR QK-niń 188-baby 3-bóligi «Urlyq» baby boıynsha Túrkistan QІІB-nyń SDTBT-ne tirkeldi.
2017 jyly qazan aıynyń 8 kúni tańǵy ýaqytta Túrkistan QІІB-nyń kezekshi bólimine 28 jastaǵy jergilikti turǵyn kelip, polıtseılerge ony bir er azamat maldaryn bazarǵa aparýyn ótingeni jaıynda habarlady. Bul júrgizýshiniń kúdigin týdyryp, osy jaıly polıtsııaǵa habar bergen.
Jedel iz kesýshiler júrgizýshimen birge bazarǵa kelip, kúdikti tulǵany kórsetti. Tártip saqshylary mal urlaýshyny «Іzin sýytpaı» ustady. Ol Túrkistan qalasynyń 1955 jylǵy turǵyny bolyp shyqty.
Tergeý barysynda anyqtalǵandaı, ustalǵan azamat jaıylymnan maldy urlap, satpaqshy bolǵan, al aqshasyn óz qajettiligine jaratpaqshy bolǵan. Aıǵaq retinde polıtseıler urlanǵan maldardy tárkilep, zańdy ıesine qaıtardy.
Atalǵan jaıt boıynsha QR QK 188-shi «Urlyq» baby boıynsha qylmystyq is qozǵaldy. Sotqa deıingi tergeý amaldary júrgizilýde.
