Túrkistan qalasynda jańa tennıs ortalyǵy boı kóterdi
NUR-SULTAN. QazAqparat – Túrkistan qalasynda jańa tennıs ortalyǵy ashyldy, dep habarlaıdy QazAqparat tilshisi.
Jańa ǵımarattyń ashylý rásimine Túrkistan oblysynyń ákimi Ómirzaq Shúkeev, Qazaqstan tennıs federatsııasynyń vıtse-prezıdenti ıÝrıı Polskıı jánee 14 jasqa deıingiler arasynda álemniń úshinshi raketkasy Zańǵar Nurlanuly qatysty.
ıÝ.Polskııdiń atap ótkenindeı, Qazaqstanda tennıs sporty keń qanat jaıyp keledi. Oǵan dálel – Túrkistandaǵy tamasha ortalyq.
«Qazirgi zamanǵy keshende tórt jabyq jáne úsh ashyq kort bar. Ortalyq jańa ákimshilik aýdanynda ornalasqan. Onda basqa da sport nysandary oryn tepken, birtutas sport klasteri deýge bolady. Osyǵan deıin barlyq oblys ortalyqtarynda, respýblıkalyq mańyzy bar jáne iri qalalarda tennıs ortalyqtary boı kótergen edi. Endi, mine, Túrkistanda sondaı ǵımarat turǵyndar ıgiligine berilip otyr. Qalanyń túrli aýdandarynda qazirdiń ózinde on kort bar, onda balalar da tennıspen aınalysady. Bapkerler bazasy jumys isteıdi. Munyń bári óńirde tennıstiń damýyna ıgi septigin tıgizetini sózsiz. Elimizde jalpy korttar sany 400-den asady», dedi ıÝ.Polskıı.
Bir jyl boıy salynǵan jańa sport kesheninde tennıspen kásibı jáne áýesqoı shuǵyldanatyndar úshin barlyq jaǵdaı jasalǵan. Korttan basqa kıinip, jýynatyn oryndar, trenajer zaly, teorııalyq bilim alý úshin konferents-zal, fýtbol alańy, júgirý jolaǵy, kafe bar. Sport nysanynyń jalpy alańy – 5 myń sharshy metr.
Eske sala keteıik, budan buryn Rafael Nadaldyń Rolan Garros týrnırin on tórtinshi ret utyp alǵanyn jazǵan bolatynbyz.
