Túrkistan qalasynda jańa mektep ashyldy

TÚRKІSTAN. QazAqparat - Búgin Túrkistan qalasynda jaratylystaný-matematıkalyq baǵytta olımpıada rezervin daıyndaıtyn №28 mektep-lıtseıiniń tusaýy kesildi. 900 oryndyq jańa mekteptiń ashylýyna oblys ákimi Ómirzaq Shókeev qatysty, dep habarlaıdy QazAqparat ákimdikke silteme jasap.

«Elimizdiń bolashaǵy bilimdi jastardyń qolynda. Endeshe, osy jańa mekteptiń tabaldyryǵyn alǵash attaǵaly otyrǵan Sizderdi - úzdik oqyp, el úmitin aqtap, elimizdiń patrıot azamaty bolatyndyqtaryńyzǵa senemin. Qoldaryńyzǵa alǵash alǵan «Álippe» oqýlyqtaryńyz qutty bolsyn!», -dedi ákim.

Bıyl alǵashqy qońyraý sharasy el kóleminde epıdahýalǵa baılanysty tek 1 synyp oqyshylarynyń qatysýymen ótti. Bul mektep-lıtseı oqýshylardyń zamanaýı bilim alýlaryna jol ashady. Munda barlyq zamanaýı pán kabınetteri qarastyrylǵan. Oqýshylarǵa bilikti ustazdar tereńdetip bilim beretin bolady.

Aıta keterligi, bıyl jańa oqý jylyn Túrkistan qalasyndaǵy 33 memlekettik jáne 10 jekemenshik mektep 45248 oqýshymen bastap otyr. Olardyń ishinde 4221 oqýshy alǵash ret mektep tabaldyryǵyn attap, qoldaryna jańa «Álippeni» ustady.

Bıyl Túrkistan oblysynda 927 kúndizgi orta bilim berý uıymynda oqý protsesi dástúrli formatta 500 myńnan astam oqýshy bilim alady.