Túrkistan qalasynda úsh avtobekettiń jumysy toqtatylǵan
TÚRKІSTAN. QazAqparat - Túrkistan qalasynda úsh avtobekettiń jumysy toqtatylyp, qalǵan úsheýi qalypty rejimde istep tur, dep habarlaıdy QazAqparat Óńirlik kommýnıkatsııalar qyzmetine silteme jasap.
Túrkistan oblysynyń Jolaýshylar kóligi jáne avtomobıl joldary basqarmasynyń málimdeýinshe, «Túrkistan ortalyq» (Táýke han dańǵyly), «Altyn Orda» (Táýke han dańǵyly, №18) jáne «Mereı» avtobeketteriniń (Atatúrik kóshesi) qyzmetteri toqtatylǵan.
Qazirgi tańda jolaýshylar úshin Túrkistan qalasy boıynsha qalanyń Shymkent baǵytynda jańa «Túrkistan» avtovokzaly (Yntymaq aýyly), Qyzylorda baǵytynda «Altyn bulaq» (Qyzylorda tas joly) jáne «ıAssy» (Qyzylorda tas joly) avtovokzaldary jumys istep tur.
Zańsyz jolaýshylar tasymalyna qarsy quzyrly organdar ótkizip jatqan reıd barysynda atalǵan avtobeketterden shyqqan qoǵamdyq kólikter keri qaıtarylyp jatyr.
