Túrkistan qalasynda sadaq atýdan eresekter arasynda Qazaqstan chempıonaty ótýde
TÚRKІSTAN. QazAqparat - Túrkistan qalasynda sadaq atýdan eresekter arasynda Qazaqstan chempıonaty ótýde. Eń tájirıbeli mergender saıysyna elimizdiń barlyq óńirinen iriktelgen 10 komanda qatysýda, dep habarlaıdy QazAqparat tilshisi.
Saıysqa 250-ge jýyq sportshy qatysyp, ózara myqtyny anyqtaýda. Jarystyń bas tóreshisi Olga Nıdiń aıtýynsha, bıylǵy Qazaqstan chempıonatyna ulttyq qurama músheleri túgel shaqyrylǵan.
Olımpıada oıyndary men álem chempıonattarynda talaı mergenderdi tanytqan bul sport túrine sońǵy kezderi qarakózderimizdiń arasynda qyzyǵýshylyq artyp otyr.
El chempıonatynyń ashylý saltanatynda oblystyq Dene shynyqtyrý jáne sport basqarmasynyń basshysy Qanat Joldyqaraev pen QR Ulttyq olımpıada komıtetiniń sadaq atý bóliminiń basshysy Edil Temirbekov quttyqtaý sóz sóılep, sportshylarymyzǵa sáttilik tiledi.
Sonymen qatar Q.A. ıAsaýı atyndaǵy halyqaralyq qazaq-túrik ýnıversıtetiniń rektory, Túrkistan oblystyq sadaq atý, arbalet jáne darts federatsııasynyń prezıdenti Janar Temirbaeva da mergenderge qoldaý kórsetti.
Aıta keteıik, jarystyń jeńimpazdary 13-20 naýryz aralyǵynda Taıland elinde ótetin kezekti Azııa kýboginde Qazaqstannyń namysyn qorǵaıdy.
