Túrkistan qalasynda qoǵamdyq kólikter jańartylýda
TÚRKІSTAN. QazAqparat - Túrkistan qalasynda jolaýshy tasymaldaýshy mekemesi bıyl 26 jańa jańa avtobýs satyp aldy, dep habarlaıdy QazAqparat Túrkistan oblysy Óńirlik kommýnıkatsııalar qyzmetine silteme jasap.
Túrkistan qalasyndaǵy «Jolaýshy» JShS tasymaldaýshy mekemesi 270 qoǵamdyq kólikpen jolaýshylar tasymaldaý qyzmetin kórsetýde.
2019 jyldyń 9 aıynyń qorytyndysy boıynsha atalǵan tasymaldaýshy mekeme Yutong markaly 8,5 metrlik 21 jańa avtobýs satyp alǵan bolatyn. Aǵymdaǵy jyldyń qazan aıynda taǵy 5 jańa avtobýs satyp alyndy. Jańa avtobýstarda kondıtsıoner, elektrondyq tablo, jarnamalyq monıtor jáne kameralar qarastyrylǵan.
«Qaladaǵy qoǵamdyq kólikterdi jańartý arqyly jolaýshylarǵa sapaly qyzmetter kórsetý, olardyń qaýipsizdigin qamtamasyz etý, qaladaǵy ekologııalyq jaǵdaıdy jaqsartý máseleleri ońtaıly sheshilýde. Sondyqtan, oblys ortalyǵyndaǵy qoǵamdyq kólikterdi jańartý baǵytyndaǵy jumystar aldaǵy ýaqytta da jalǵasa beredi», delingen habarlamada.
