Túrkistan qalasynda qandaı densaýlyq saqtaý nysandary salynady
NUR-SULTAN. QazAqparat – Túrkistan qalasynda sımýlıatsııa ortalyǵy salynady. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.
«Bul ortalyqta dárigerler biliktilik kóterýden ótip, naqty klınıkalyq jaǵdaılarda is-júzinde daǵdy jınaıdy. Joǵary medıtsınalyq tehnologııalarǵa oqytý túrli modelderde, trenajerler men vırtýaldy sımýlıatorlarda júrgizý josparlanǵan. Bul medıtsına qyzmetkerleriniń kásibı qyzmet barysynda protsesterdi, jaǵdaılardy jáne ózge de aspektilerdi naqty modeldeýge múmkindik beredi», - dedi mınıstr.
Onyń atap ótýinshe, Túrkistan qalasynda halyqqa ambýlatorlyq stomatologııalyq kómek kórsetetin emhana joq. Sondyqtan bir aýysymda 300 kelýshini qabyldaıtyn tis emhanasyn salý josparlanǵan. Búginde jobalyq-smetalyq qujattary ázirlenip jatyr.
«Túrkistan qalasynda 25 brıgadaǵa arnalǵan jedel medıtsınalyq kómek stansasy salynady. Búginde qurylysy júrgizilip jatyr. Túrkistan oblysy ákimdiginiń aqparatyna sáıkes H.H.Sheikh Mohamed Bin Zayed Al Nahyan qory Ana men bala ortalyǵyn salýdy josparlap otyr», - dedi Alekseı Tsoı.
