Túrkistan qalasynda erekshe dendrosaıabaq salynyp jatyr
TÚRKІSTAN. QazAqparat - Túrkistan oblysynyń ákimi Ómirzaq Shókeev qurylysy aıaqtalǵan nysandardyń jumysyn tekserip shyqty. Boı kótergen ǵımarattardyń ishki árleý jáne abattandyrý jumystary júrip jatyr, dep habarlaıdy QazAqparat oblys ákiminiń baspasóz qyzmetine sliteme jasap.
Aımaq basshysy barlyq demalys oryndaryna sapaly gazon tóseýdi tapsyrdy. Sondaı- aq, sabaqtardaǵy demalatyn jaılardy jeńil de qolaıly konstrýktsııadan ornatýdy júktedi.
Qurylysy aıaqtalǵan departamentter men basqarmalar úıinde ishki árleý jumystary júrýde. Ákimshilik-iskerlik ortalyqta ornalasqan ǵımarattarmen birkelki dızaında jasalǵan nysannyń ishki kelbeti de zamanaýı jasaqtalǵan.
Ómirzaq Estaıuly qala irgesinde ornalasqan dendrobaq qurylysynyń basynda boldy. 28 gektar alqapty alyp jatqan jasyl aýmaqta san túrli jemis aǵashtary men kópjyldyq ósimdik túrleri ósiriledi. Munda amfıteatr, sýburqaqtar men jasandy kópirler salynady. Oblys basshysy biregeı jobaǵa jaýapty basshylarǵa qurylysshylar sanyn arttyrýdy tapsyrdy.
«Qurylysta adam sany az. Aqsha bólingennen keıin aıanbaı, kúndiz-túni jumys isteý kerek. Aldymen aǵashtardy sýarý júıesin retteńizder. Jasandy kól kólemin arttyrý kerek. Eń bastysy, balalar alańqaıyndaǵy qurylystyń sapasy men qaýipsizdigine basa nazar aýdarylsyn»,-dedi oblys ákimi.
Sonymen qatar, Ómirzaq Shókeev Nursultan alańy, attraktsıondar saıabaǵy, ıAsaýı murajaıy, Tuńǵysh Prezıdent saıabaǵy men jelilik saıabaqty aralady. Abattandyrý men kógaldandyrý jumystarynyń bekitilgen kestege saı aıaqtalýyn mindettedi.
