Túrkistan qalasynda «Densaýlyq» saıabaǵy ashyldy
TÚRKІSTAN. QazAqparat - Konstıtýtsııa kúnine oraı Túrkistan qalasynda «Densaýlyq» saıabaǵy el ıgiligine paıdalanýǵa berildi, dep habarlaıdy QazAqparat tilshisi.
Túrkistan qalalyq ortalyq aýrýhanasynyń janynda ornalasqan jańa saıabaqqa 600-ge jýyq aǵash egilgen.
100-ge jýyq balalar oıyn alańshasy men strıtvorkaýt jáne kún men jańbyrdan qalqalaıtyn bastyrma ornatylǵan.
Sondaı-aq, ásemdik úshin qoıylǵan ana men bala músini jáne kishi sáýlettik 136 forma bar.
Saıaly baqtaǵy alǵashqy shara - búldirshinderdiń qutty qadamymen bastaldy. Zııaly qaýym ókilderi 10 búldirshinniń tusaýyn kesip, aq batasyn berdi.
Qala ákimi Nurbol Turashbekov kópshilikti merekemen quttyqtap, balalarǵa arnalǵan qamqorlyq sharalary aldaǵy ýaqytta da jalǵasatynyn jetkizdi.
