Túrkistan qalasynda bıyl birneshe jańa saıabaq ashylady

TÚRKІSTAN. QazAqparat – Túrkistan qalasynda bıyl birneshe jańa saıabaq ashylyp, paıdalanýǵa berilmek. Shahardaǵy qurylys alańdaryn aralaǵan oblys ákimi Ómirzaq Shókeev jaýapty sala basshylaryna saıabaqtardyń qurylysyn shıratýdy tapsyrdy, dep habarlaıdy QazAqparat tilshisi.

Sonymen qatar qaladaǵy ıAssaýı kóshesiniń boıy da tolyq kógaldandyryp, jelilik saıabaqqa aınalmaq. «Áziret Sultan qoryq murajaıynyń aýmaǵyn abattandyrý da aıaqtalýǵa jaqyn. 30-ǵa jýyq nysannyń aýmaǵynda abattandyrý jumystary júrgizilip, halyq ıgiligine berilgen. Kópqabatty úıler aldyna balalar oıyn alańshalary salynyp, abattandyrylýda. Aýlalar men gúlzarlar jáne oıyn alańdary salynyp, 15 nysanǵa 300-den astam adam jumysqa tartyldy.

Buǵan qosa, 26 kóshege kógaldandyrý jumystary júrgizilip, 8 myńǵa jýyq túp aǵash otyrǵyzyldy.

Sondaı-aq, ashyq alańdardy kógaldandyrý boıynsha 100 gektarǵa jýyq «Jasyl beldeý» kógaldandyrý aımaǵyna 40 myń kóshet egildi. «Halyqtyq joba» negizinde belgilengen nysandar jáne qoǵamdyq oryndar kógaldandyrylyp, port alańdary, sýburqaqtar, shatyrlar, oryndyqtar, jaryqsham men qoqys jáshikteri ornatylýda. Atalmysh jumystarǵa jergilikti turǵyndar tartylyp, jumyspen qamtylǵan.

Aımaq basshysy sondaı-aq, shyǵys úlgisinde salynyp jatqan «Keruen Sarai» turǵyn úı kesheniniń qurylys barysymen tanysty. ıAsaýı kesenesiniń janynan boı kótergen keshen toǵyz eki jáne úsh qabatty bloktardan turady. Ómirzaq Estaıuly jalpy aýmaǵy 38 gektardy quraıtyn «Tuńǵysh Prezıdent saıabaǵy» demalys aımaǵynda atqarylyp jatqan jumystardy baqylap kórdi. Túrkistan qalalyq sazdy-drama teatry jáne kómekshi mektep-ınternaty jataqhanasynda júrip jatqan jumystarmen tanysty.

Oblystyq ǵylymı - ámbebap kitaphananyń qurylys alańynda bolǵan óńir basshysy ǵımarattyń ishki qurylysyna birqatar ózgerister engizip, keı bólmelerin keńeıtip, qabyrǵalaryn áınekten ornatýdy tapsyrdy.