Túrkistan qalasynda asa qaýipti ınfektsııalar tirkelgen joq - ákimdik
TÚRKІSTAN. QazAqparat - Ótken jyly Túrkistan qalasynyń turǵyndary arasynda asa qaýipti ınfektsııalar aıtap aıtqanda, tyrysqaq, oba, qutyrý, kúıdirgi, sirespe, qyzamyq, epıdemııalyq parotıt, «A» vırýsty gepatıti jáne irińdi menıngıt aýrýlary tirkelmegen.
Sanıtarııalyq-epıdemıologııalyq is-sharalardyń josparly júrgizilýine baılanysty, jekelegen aýrýlardyń da tómendeýi baıqalady. Bul týraly QazAqparat Túrkistan oblysy ákiminiń baspasóz qyzmetine silteme jasap habarlaıdy.
Túrkistan oblysynyń sanıtarııalyq-epıdemıologııalyq baqylaý departamentiniń málimetinshe, byltyr jedel juqpaly qyzylsha aýrýy, juqpaly ishek aýrýy tirkelip, ınfektsııaǵa qarsy epıdemıologııalyq is-sharalar atqarylǵan.
Departament basshysy N. Nyshanov álemdi jaılaǵan pandemııamen kúreste epıdemıologııalyq jaǵdaıdy turaqtandyrý maqsatynda júıeli jáne nátejıeli jumystar atqarylatynyn aıtty.
Pandemııa kezinde karantın talaptaryn óreskel buzǵandar da boldy. Alty mobıldik top júrgizgen monıtorıngileý jumystarynyń nátıjesinde 4453 nysan tekserilip, 20 mıllıon teńge kóleminde aıyppul salynǵan. Karantın talaptaryn saqtamaǵan 62 jeke kásipkerge ákimshilik hattamalar toltyrylyp, sotqa joldandy. Qalalyq sottyń sheshimimen olardyń beseýi 5 táýlikke qamalyp, bir kásipker eskertý aldy.
Ótken jyly Túrkistan qalasy turǵyndary arasynda koronavırýs ınfektsııa dıagnozymen 729 naýqas tirkelgen. «COVID-19» zerthanalyq rastalǵan naýqastar boıynsha oshaqtarǵa dezınfektsııalyq, epıdemııaǵa qarsy is-sharalar júrgizilip, ınfektsııamen kúres barysynda qalanyń epıdemıologııalyq ahýalyn eskere otyryp, qalanyń Bas memlekettik sanıtarııalyq-dárigeri 72 Qaýly shyǵarǵan.
