Túrkistan qalasynda «Arys jaǵasynda» retro-festıvali ótedi
TÚRKІSTAN. QazAqparat - «Arys jaǵasynda» IX retro-festıvali bıyl oblys ortalyǵy Túrkistan qalasynda ótedi, dep habarlaıdy QazAqparat.
Túrkistan oblysy ákimdiginiń baspasóz qyzmetinen málim etkendeı, aıtýly shara byltyr tek bes kompozıtordyń shyǵarmashylyǵyn nasıhattaýǵa arnalsa, bıylǵy festıvalde birneshe sazgerdiń ánderi oryndalatyn bolady.
Túrkistan oblysyna ǵana tán festıvaldiń maqsaty - barsha qazaqtyń maqtanyshyna aınalǵan jergilikti kompozıtorlardy, óner ujymdary men ánshilerdi dáripteý, olardyń shyǵarmashylyǵyn nasıhattaý.
Bıylǵy jyr keshine Qazaqstannyń mádenıet qaıratkerleri Marat Omarov, Jubanysh Jeksenuly, Hadısha Shalabaeva, Qazaqstannyń eńbek sińirgen qaıratkeri Aıgúl Imanbaeva, Zattybek Kópbosynuly, sondaı-aq jas ánshi Asqar Jaılaýbaev, «Astana», «Qarǵabaı», «Arbat», «Saryn» toptary óner kórsetedi. Ónerpazdar jergilikti sazgerlerdiń halyq arasynda keńinen taraǵan ánderin oryndaıdy.
«Arys jaǵasynda» retro-festıvali 2010 jyldan bastap Shymkent qalasynda ótkizilip kelse, bıyl tuńǵysh ret oblys ortalyǵy - Túrkistan qalasynda uıymdastyrylyp otyr.
