Túrkistan qalasynda 812 beınekamera jumys istep tur

TÚRKІSTAN. QazAqparat - Túrkistan qalasynyń qaýipsizdigi 812 beınekamera arqyly baqylanyp otyr, dep habarlaıdy QazAqparat tilshisi.

«Qaýipsiz qala» jobasy aıasynda Túrkistan qalasynda 812 beınebaqylaý kamerasy iske qosylǵan.

Baqylaý kameralary «Jeńis» saıabaǵy, «Altyn orda» avtobeketi, «Kerýen saraı» saýda kesheni, «Qýanysh» bazary baǵyty boıynsha, Táýke han dańǵyly, S. Erýbaev, M. Tynyshqulov, Tóle bı, Nyshanov kósheleri, Túrkistan temirjol stantsııasy aýmaǵynda ornatylǵan.

Qala turǵyndary men qonaqtarynyń qaýipsizdigin qamtamasyz etý jáne qaladaǵy qylmystyń aldyn alý maqsatynda ornatylǵan kameralar 24/7 qaǵıdasy boıynsha jumys isteıdi. Beıneniń saqtalý ýaqyty – 30 kún.

Budan bólek, qaladaǵy qaýipsizdikti kúsheıtý úshin 11 dana shuǵyl járdem batyrmasy ornatylǵan. Oqys oqıǵalar bolǵan jaǵdaıda batyrmalardy basý arqyly Túrkistan oblysy Іshki ister departamentiniń «Jedel basqarý ortalyǵynyń» qyzmetkerimen tikeleı baılanysyp, kómekke júginýge bolady. Mundaı batyrmalar Qoja Ahmet ıAsaýı kesenesi aýmaǵy, «Gúlder», «Jibek joly», «Jeńis» saıabaqtarynda jáne kishi arbat pen «Kerýen saraı» kesheninde iske qosylǵan.