Túrkistan qalasynda 420 páterdiń kilti tabystaldy
Jańa páterlerdiń kiltin qala ákimi Rashıd Aıýpov turǵyndardyń úılerine baryp tabystady, dep habarlaıdy QazAqparat tilshisi.
Memleketimizde engizilgen karantın rejımine jáne oblystyq Bas memlekettik sanıtarlyq dárigerdiń qaýlysyndaǵy talaptardy oryndaý maqsatynda resmı is-shara uıymdastyrylmady. Turǵyndardyń bir jerde shoǵyrlanýyn boldyrmaý úshin, shahar basshysy alǵash tórt turǵynǵa kiltterdi qazirgi turyp jatqan úılerine baryp ózi tabystady. Ózgelerdi Tuńǵysh Prezıdent kúnimen jáne baspanaǵa ıe bolýymen quttyqtap hat joldady.
Aıta keteıik, kezekte turǵan 11797 azamat egov saıty arqyly kezek rettiligin kóre alady. Sondaı-aq, Ortalyqtandyrylǵan servıstik ónimi bazasy arqyly da turǵyn úı kezeginde turǵan zamattar aqparattandyrylady. Qazirgi tańda, Túrkistan qalasy boıynsha 7, 9 jáne 12 qabatty turǵyn úıdiń qurylysy memlekettik bıýdjet esebinen júrgizilýde. Oblys ortalyǵy aınalǵaly qalada 89 kópqabatty turǵyn úıdiń qurylysy salynyp jatsa, búginge deıin 600 kezekte turǵan jáne 336 memlekettik qyzmetshige páter tabystalǵan bolatyn.
