Túrkistan qalasynda 400 gektar aýmaqqa saıabaq salynady

TÚRKІSTAN. QazAqparat - Túrkistan qalasyndaǵy saıabaqtar men gúlzarlardy kútip ustaý jáne ishki ırrıgatsııalyq júıelerdiń jaı-kúıi – basty nazarda. Oblys ákimi Ómirzaq Shókeev shahardaǵy jańa saıabaqtardyń jaıymen tanysyp, ondaǵy tazalyqqa jaýapty azamattarmen jolyqty. Jaýapty tulǵalarǵa naqty tapsyrmalar berdi, dep habarlaıdy QazAqparat.

Oblys ákimi baspasóz qyzmetiniń málimetinshe, Túrkistan qalasynda búginde 400 gektar jerge jaıǵasqan 11 saıabaq, 5 jasyl aımaq, 25 alleıa men gúlzar jáne 29 kóshe bar.

Ár saıabaq kreatıvti ári erekshe, qaıtalasbas úlgide salyndy. Sattarhanov kóshesiniń boıyndaǵy «Jelilik saıabaqtyń» jer kólemi 20 gektardan asady.

Saıabaqta 5 myńǵa jýyq aǵash, 25 myńǵa jýyq jasyl buta egilip, jasandy toǵan ornatylǵan.

Myńnan astam shammen jaryqtandyrylyp, sýburqaq, oryndyqtar, 2 myńnan astam kishi arhıtektýralyq forma qoıylǵan.

Jalpy aýmaǵy 5 gektar jerde ornalasqan N.Nazarbaev atyndaǵy jaıaý júrginshiler alleıasyn abattandyrý jumystary aıaqtalýǵa taıady.

Demalys aýmaǵy jaryqtandyrylyp, kópjyldyq jáne gúldi aǵashtar egilgen.

«Áziret Sultan» qoryq-murajaıynyń aýmaǵy abattandyrylyp, jaryq shamdar ornatyldy. 20 gektar jerde ornalasqan aýmaqqa gazon tóselip, aǵashtar otyrǵyzyldy.

Sýarý júıeleri júrgizilip, jolaıaqtar tóseldi.

Jalpy aýmaǵy 38 gektardy quraıtyn «Tuńǵysh Prezıdent saıabaǵynda» syıymdylyǵy 100 tekshe metr bolatyn jasandy aral paıda boldy.

Ol úshin sý uńǵymasy men rezervýar salyndy. 10 myńǵa jýyq aǵash otyrǵyzylyp, joldar tóseldi.

Jańa demalys orny erekshe dızaında jasalǵan shamdarmen jaryqtandyryldy. Sýburqaqtar salynyp, shaǵyn sáýlettik músinder ornatyldy.

Saıabaqta birneshe oıyn alańshasy salyndy.

Búginde «Nur-Sultan» alańy, «Jibek joly» saıabaǵy, «Dendrosaıabaq», ıAssy kóshesindegi «Jelilik saıabaqtyń» qurylysy aıaqtalyp, abattandyrý jumystary júrgizilýde.