Túrkistan qalasynda 100 shaqyrymnan astam jol jóndeldi
TÚRKІSTAN. QazAqparat - Túrkistan qalasynda 875 kósheniń 100 shaqyrymnan astam joly jóndeldi. Bul týraly qala ákimi Rashıd Aıýpov kezekti brıfıng kezinde aıtty, dep habarlaıdy QazAqparat tilshisi.
Shahar basshysynyń sózinshe, qalada jalpy uzyndyǵy 845 shaqyrymdy quraıtyn kóshe bar. Jyl basynan beri qala ishindegi joldardyń 9,2 shaqyrymyna qurylys jumystary , al 81 kóshege ortasha jóndeý jumystary júrgizilgen. Sondaı-aq, atalǵan jumystardyń barysynda 109,1 shaqyrym aıaq joldar men 15,7 shaqyrym sýaǵar naýa, 15,7 shaqyrym jaryqtandyrý júıesi men 2,7 shaqyrym velojoldar salynady.
«2020 jylda atqarylatyn jumystardyń nátıjesimen asfalt joldar 13,7 % paıyzǵa ósse, tas joldar 13,65 % paıyzǵa azaıyp otyr. Sonymen qatar, bıyl ortalyq 3 kóshege 17 dana sońǵy úlgidegi zamanaýı aıaldamalar ornatyldy. Budan ózge, oblys ortalyǵynda 875 kósheniń 162-i, ıaǵnı, 282 shaqyrymy jaryqtandyrý júıesimen qamtylǵan. 2020 jyly 160 shaqyrymdy quraıtyn 123 kóshege jaryqtandyrý jumystaryn júrgizý josparlanǵan. Qazirgi tańda, olardyń 101 shaqyrymdy quraıtyn 78 kóshesinde jumystar aıaqtalǵan», - dedi Rashıd Abatuly.
Oblys ortalyǵynda sonymen qatar jyl sońyna deıin qala kóshelerin jaryqtandyrýmen qamtý deńgeıi 18,9 paıyzǵa artyp, 33,3 paıyzǵa jetkizý josparlanýda.
