Túrkistan qalasy jyl sońyna deıin gazben tolyq qamtylady
TÚRKІSTAN. QazAqparat – Túrkistan qalasyn gazdandyrý boı̆ynsha tıisti jumystar qyzý júrgizilip, búginde 42 myń turǵyn tabıǵı gazben qamtylǵan. Oblys ortalyǵyndaǵy Otyrar móltekaýdany men HQTÝ turǵyn úı̆ massıvi aýmaǵynda gazǵa qosylǵan úı̆lerdiń sany 130-ǵa jetip otyr, dep habarlaıdy QazAqparat tilshisi.
Oblys ákimi Ómirzaq Shókeevtiń tapsyrmasyna sáıkes, bul jumys atalǵan móltekaýdandy tolyǵymen gazdandyrǵanǵa deı̆in jalǵasady.
Sala mamandarynyń aıtýynsha, búgingi kúnge qalanyń 26% tabıǵı gazben qamtylǵan. Halyqty kógildir otynmen qamtý jumystary «Beıneý-Bozaı-Shymkent» magıstraldy gaz qubyry arqyly jáne 11 kezeńmen júzege asyrylady.
Aıta keteıik, kóne shahardaǵy jeke jáne kópqabatty turǵyn úılerdi gazdandyrýdyń 4-shi kezeńiniń qurylysy ótken jyly aıaqtalǵan bolatyn.
Nátıjesinde qala turǵyndarynyń 41% tabıǵı gazben qamtylǵan. Qalany tolyǵymen gazdandyrý sharalary jyl sońyna deıin jalǵasady dep josparlanyp otyr.
