Túrkistan qalasy týraly jańa fılm shyqty
TÚRKІSTAN. QazAqparat - Túrkistan oblysynda «Túrkistan júregimde!» atty jańa fılmniń tusaýkeseri ótti, dep habarlaıdy QazAqparat tilshisi.
Oblystyq qoǵamdyq damý basqarmasynyń tapsyrysymen «Saq» kınostýdııasy túsirgen kıno-novellada túrkistandyqtar men qonaqtardyń arasyndaǵy ózara dostyq qatynastar keńinen kórsetilgen.
Jańa týyndy eljandylyq, otansúıgishtik, tól tarıhty ardaqtaýdy kórermen boıyna sińire otyryp, ádemi ázil-qaljyńmen Túrkistannyń ózindik erekshelikteri kórermen nazaryna usynylǵan.
Saltanatty sharaǵa qatysqan Jastar resýrstyq ortalyǵy basshysynyń mindetin atqarýshy Amalbek Ómirtaı áserli fılmdi jaryqqa shyǵarǵan shyǵarmashylyq ujymǵa alǵysyn bildirdi.
«Túrki dúnıesiniń rýhanı astanasy bolǵan Túrkistan qalasy oblys ortalyǵy mártebesin alyp, úlken tarıhı qadam jasady. Osyndaı tarıhı, mańyzdy kezeńdi basynan ótkizip otyrǵan Túrkistan qalasy az ýaqyttyń ishinde jańasha túlep, rýhyn qaıta jańǵyrtyp, halyqtyń kóz qýanyshyna aınalyp otyr» – dedi Amalbek Ómirtaı.
Kıno novellada kóne shahardyń ótpeli kezeńindegi shynaıy ómirimen qosa, jańarǵan qalanyń tynys-tirshiligi túrli mysaldar arqyly baıandalady.
Tórt bólimnen turatyn fılmdegi rólderdi Dáýren Ábıev, Rýlan Nuǵman, Sapara Álaıdarova, Laýra Maqashava somdaǵan. Al, fılmniń bas rejısseri Nýrıddın Patteev pen Fýrhat Saıpov.
