Túrkistan qalasy bolashaqta qalaı ózgeredi
TÚRKІSTAN. QazAqparat – Túrkistan qalasynyń ákimi Rashıd Aıýpov buqaralyq aqparat quraldary ókilderi men áleýmettik jeli belsendilerimen kezdesip, atqarylyp jatqan jumystar barysyn baıandady, dep habarlaıdy QazAqparat tilshisi.
Qala basshysynyń sózine qaraǵanda, búginde oblys ortalyǵynda halyq sany 170 myńǵa jetken. Aldaǵy bes jyldyqta bul kórsetkish eki esege deıin ulǵaıyp, halyq sany 350 myńǵa jetedi dep josparlanyp otyr.
Al, kıeli shaharda týrısterdi tańqaldyrý maqsatynda tyń jobalardy qolǵa alý qarastyrylýda eken. Máselen, Qoja Ahmet ıAsaýı kesenesi mańynda erekshe joba jasalmaq. «2050 jyly Túrkistan qalasy álemdegi 3 qalaǵa uqsaýy kerek dedik. Olar Ystanbul, Ierýsalım, Rım qalalary. Osy úsh qalanyń bireýine teńestirýimiz kerek. Ol úshin qansha ınfraqurylym kerek, qansha jumys atqarylýy qajet. Bilimimizdi kóterip, kóp daıyndyqtar júrgizýimiz qajet. Qansha demalatyn orynda paıda bolýy kerek. Amerıkanyń tanymal ári sáýlet jaǵynan óte myqty kompanııasymen kelisimge kelip, Qoja Ahmet ıAsaýı kesenesi mańynan úlken jobalar jasap jatyr. Sizderge shet jaǵasyn aıtaıyn, aldaǵy ýaqytta kesenege qaıyqpen qatynaý joldary salynady», – dedi Rashıd Aıýpov.
Shahar basshysy sonymen qatar, BAQ ókilderi men áleýmettik jeli belsendilerin tolǵandyrǵan suraqtarǵa jaýap berip, aldaǵy josparlarymen bólisti.
