Turkistan Invest tóraǵasynyń orynbasary 3 jyl 6 aıǵa sottaldy

TÚRKІSTAN. QazAqparat - «Turkistan Invest» Investıtsııalar tartý jáne eksportty damytý jónindegi óńirlik agenttigi» JShS basqarma tóraǵasynyń orynbasary A.Erjanov 3 jyl 6 aıǵa sottaldy, dep habarlaıdy QazAqparat.

Sybaılas jemqorlyqqa qarsy qyzmettiń Telegram-arnasy nda jazylǵandaı, Túrkistan qalalyq sotynyń úkimimen sottalýshy ortasha qaýipsiz túzeý mekemesinde jazasyn óteıtin bolady.

«Ol «Kompozıt Grýpp Kazahstan» JShS basshylary S.Konýsov pen A.Gomaıýmovty aldaý jolymen 2 mln teńge ıemdengeni jáne Túrkistan oblysy ákimdiginiń laýazymdy tulǵalaryna traktorlardy jetkizý boıynsha Memlekettik satyp alýlar konkýrsynyń jeńimpazy dep tanyp, para berýge aıdap salǵany úshin kináli dep tanyldy», - delingen vedomstvo habarlamasynda.

Úkim zańdy kúshine engen joq.