Túrkistan Dúnıejúzilik mura qalalary uıymyna resmı túrde qabyldandy

TÚRKІSTAN. QazAqparat – Túrkistan shahary Dúnıejúzilik mura qalalary uıymyna (DMQU) resmı túrde qabyldandy. Bul týraly qala ákimdigi resmı málimet taratty, dep habarlaıdy QazAqparat tilshisi.

Atalǵan uıymǵa múshe bolý arqyly Qoja Ahmet ıAsaýı kesenesi endi týrısterdiń qyzyǵýshylyǵyn odan saıyn arttyra túspek.

Sondaı-aq, kún saıyn kórkeıip kele jatqan shahardyń qala statýsyn arttyryp, jergilikti turǵyndarǵa erekshe qýanysh syılaıdy.

Osy maqsatta 2 sáýir kúni Túrkistan qalasynda Eýrazııanyń Dúnıejúzilik murasy qalalarynyń X Halyqaralyq konferentsııasy ótedi.

Bul konferentsııa Dúnıejúzilik mura qalalary uıymynyń (DMQU) seriktestigi sheńberinde uıymdastyrylmaq.

Aıta keteıik, atalǵan uıym 1993 jyly 8 qyrkúıekte Fes qalasynda (Marokko) qurylǵan bolatyn.

Uıym - dúnıejúzilik mura obektisin qalalyq basqarýǵa qatysty barlyq máseleler boıynsha ujymdyq keńes.

Óz aýmaǵynda ıÝNESKO-nyń búkilálemdik mura tizimine engizilgen 300-den astam qalamen baılanysady.

Bul qalalardyń barlyǵynda jalpy 164 mıllıonnan astam adam turady.