«Túrkistan daýysy» estradalyq án baıqaýy jas talanttardyń juldyzyn jaqty
Eki kúnge sozylǵan óner dodasyna elimizdiń túpkir-túpkirinen 18 ben 35 jas aralyǵyndaǵy 17 ánshi qatysty.
Shyǵarmashyl, daryndy jastardy anyqtap, olarǵa qoldaý kórsetý maqsatynda ótken baıqaý jas talanttardyń juldyzyn jarqyratty.
Baıqaýǵa kompozıtor, QR Memlekettik syılyǵynyń laýreaty, Tólegen Muhamedjanov, QR eńbek sińirgen qaıratkeri, halyqaralyq án baıqaýlarynyń júldegeri Marjan Arapbaeva, «Mádenıet salasynyń úzdigi», kompozıtor, prodıýser Qaırat Baekenov, kompozıtor, án óńdeýshi Hamıt Shanǵalıev, halyqaralyq «Slavıan bazary» festıvaliniń gran-prı ıegeri, ánshi Rýhııa Baıdýkenova, estrada juldyzdary Aıdar Turǵanbek pen Janar Duǵalova qazylyq jasady.
Sonymen birge álemge áıgili opera ánshisi Nurjamal Úsenbaeva qonaq retinde qatysyp, jas ánshilerge qoldaý kórsetti.
Elimizdiń ár qıyrynan kelgen qatysýshylar eki án oryndady. ıAǵnı, birinshi Qazaqstannyń tanymal kompozıtorlarynyń ánderin, ekinshi kezekte óz tańdaýy boıynsha shyrqady.
Eki kúnge sozylǵan án baıqaýynyń qortyndy kezeńine Túrkistan oblysynyń ákimi Ómirzaq Shókeev pen Jambyl oblysynyń ákimi Berdibek Saparbaev arnaıy qatysty.
Keshtiń gala-kontserti óte joǵary deńgeıde ótip, Túrkistannyń ónersúıer qaýymy men qonaqtary bir serpilip qaldy.
Baıqaý qortyndysy boıynsha gran-prı júldesin Túrkistan oblysynyń jas ánshisi Aızada Álimbek jeńip aldy.
Birinshi orynǵa jambyldyq Qymbat Jambylbek laıyq dep tanylsa, mańǵystaýlyq Aıyn Jumabaev ekinshi orynǵa ıe boldy.
Qaırat Sarybaev (Almaty oblysy), Ákimhan Majenov (Qostanaı) jáne Aınur Nazarbekova (Shymkent) syndy jas ánshiler úshinshi oryndardy enshiledi.
Jeńimpaz ben júldegerlerge dıplom jáne baǵaly syılyqtar tapsyryldy.
