Túrkistan dárigerleri pnevmonııadan ókpesiniń qan tamyrlary bitelgen kelinshekti aman alyp qaldy
TÚRKІSTAN. QazAqparat – Túrkistandyq dárigerler pnevmonııadan ókpesiniń qan tamyrlary bitelgen naýqasty aman alyp qaldy. 34 jastaǵy kelinshek bir aı buryn bosanyp, artynsha pnevmonııa aýrýyna shaldyqqan bolatyn, dep habarlaıdy QazAqparat tilshisi.
Túrkistan oblystyq klınıkalyq aýrýhanasyna túsken naýqas ókpe qabynýynan em qabyldap, beti beri qaraǵan.
Alaıda, vırýsty pnevmonııadan ókpe tamyrlarynyń tromboembolııasy, ıaǵnı qan tamyrlary bitelip qalǵan. Saldarynan qan aınalymynyń toqtaýy baıqalǵan.
Klınıkalyq aýrýhananyń dárigerleri oǵan shuǵyl túrde kómek kórsetip, 90 mınýt boıy jansaqtaý áreketin jasaǵan. Júrekke apparat arqyly massaj jáne qarqyndy terapııa qoldanýdyń arqasynda áıel aman qaldy.
Keıinnen eshbir asqynýsyz emin tolyq qabyldap, otbasyna oraldy.
Dárigerlerdiń aıtýynsha, sońǵy kezde aýrýhanaǵa túsken naýqastarda klınıkalyq baqylaý kórsetkendeı, ókpe qabynýynan keıin qan qoıýlanady. Bul ókpe jáne júrek qan tamyrlarynyń bitelýine ákelip soǵady.
Naýqastarǵa sol sebepti qan quıý protsesin tejep, trombtyń aldyn alý úshin qan suıyltatyn dári-dármek taǵaıyndalady.
