Túrkistan bazarynda satylǵan dinı ádebıetter saraptamaǵa jiberildi

TÚRKІSTAN. QazAqparat - Túrkistan bazarynda satylǵan dinı ádebıetter saraptamaǵa jiberildi, dep habarlaıdy QazAqparat tilshisi.

Túrkistan oblysy polıtsııa departamentiniń Ekstremızmge qarsy is-qımyl basqarmasynyń qyzmetkerleri Túrkistan qalalyq polıtsııa basqarmasymen birlesip, dinı sıpattaǵy ádebıetterdi zańsyz paıdalaný deregin anyqtady. Tártip saqshylary qala bazarlarynyń birin tekserý barysynda dinı mazmundaǵy úsh kitapty tárkiledi. Dúkennen alynǵan ádebıetter saraptamaǵa jiberildi.

«Atalǵan jaıt boıynsha QR ÁQBtK-niń 490-baby 3-tarmaǵynyń 1-bóligi «Qazaqstan Respýblıkasynyń dinı qyzmet jáne dinı birlestikter týraly zańnamasyn buzý» boıynsha tirkelip, turǵynǵa ákimshilik hattama toltyryldy» - delingen Túrkistan oblysy polıtsııa departamentiniń baspasóz qyzmeti taratqan aqparatta.