«Túrkistan» basylymy 20 jyldyǵyn atap ótti
ASTANA. QazAqparat - Shetelderge taraıtyn jalǵyz qazaq tildi basylym - «Túrkistan» gazeti bul kúnderi 20 jyldyǵyn atap ótýde.
Aptalyq basylym osy ýaqyttan beri elimizde ǵana emes, Reseı men Túrkııadaǵy qandastarymyzǵa aqparat taratyp, oǵan qosa ana tilin de úıretip júr. Bul gazet Halyq jazýshylary Qaltaı Muhamedjanov pen Ábdijámil Nurpeıisovtiń bastamasymen ashylǵan. Bastapqyda bir ǵana paraqqa basylyp shyqsa, qazirde myńdaǵan danamen taralady.
Aıta keteıik, basylymnyń ásirese, shettegi qazaq oqyrmandary úshin mańyzy zor. Óıtkeni, jyraqtaǵy qandastar úshin ana tilindegi jalǵyz aqparat kózi - osy «Túrkistan». Sol sebepten bolar, gazettiń Almatyda ótken 20 jyldyq mereıtoıyna sheteldik oqyrmandary da túgel kelgen, dep habarlaıdy ktk.kz.
«Árıne, elektronda aqparat quraldarymen básekelesý óte qıyn. Biraq degenmen qoǵamda bolyp jatqan máselelerdiń barlyǵyn salmaqty, salıqaly túrde, qundylyqtardy túsindirip, baıyptap aıtý turǵysynda menińshe, gazettiń róli joǵary dep oılaımyn», - deıdi aptalyqtyń bas redaktory Shámshıdın Patteev.
