Túrkistan avtobýstary budan bylaı Bus Lane jolaǵymen júredi
TÚRKІSTAN. QazAqparat - Bus Lane – qala kóshelerindegi qoǵamdyq kólik júretin arnaıy jolaq. Qaladaǵy avtobýstar endi osy joldarmen júredi, dep habarlaıdy QazAqparat oblys ákiminiń baspasóz qyzmetine sliteme jasap.
Sondaı-aq, jasyl jolmen múgedek arbasyna tańylǵan múmkindigi shekteýli azamattar men elektromobılder júre alady. Jańa jobany oblys ákimi Ómirzaq Shókeevke shahar basshysy Rashıd Aıýpov tanystyrdy.
Jasyl tústi belgiler jaqyn kúnderi Túrkistannyń barlyq kóshelerinde paıda bolady. Arnaıy belgilengen jolǵa basqa kólikterdiń kirýine jáne toqtaýyna tyıym salynǵan.
Al, ortalyq Bekzat Sattarhanov kóshesiniń boıynda kóliktiń toqtaýyna múldem ruqsat bolmaıdy. Jańa joba test tártibinde engizilgendikten, ázirge ereje buzǵan jeke júrgizýshilerge eshqandaı aıyppul salynbaıdy.
Biraq, aldaǵy ýaqytta túsindirý jumystary aıaqtalǵasyn arnaıy jolaqqa enip ketkender jazalanbaq.
Jańa ózgeris qaladaǵy keptelistiń aldyn alýǵa da baǵyttalǵan. Qoǵamdyq kólikterge ásirese qarbalas ýaqytta jyldamdyqpen júrýge jol berilmeıdi jáne jolaýshylar da tıisti jerine ýaqytyly jete alady.
Búginde oblys ortalyǵyndaǵy ortasha jóndeý jumystary júrgiziletin 100-ge jýyq joldyń jartysyna jýyǵyna tasjol tóseldi. Joldyń irgesin nyǵyzdaý, káriz qudyqshalarynyń deńgeıin kóterý syndy jumystar júrip jatyr.
