Túrkistan aýmaǵyndaǵy Kúltóbe qalashyǵy qalpyna keltirilmek

ASTANA. QazAqparat - Túrkistan aýmaǵyndaǵy jalpy aýdany 27 gektar bolatyn alǵashqy qalalyq qonystardyń biri Kúltóbe qalashyǵy qaıta qalpyna keltiriletin bolady. Bul týraly Mádenıet jáne sport mınıstrliginiń alqa otyrysynda mınıstr Arystanbek Muhamedıuly málim etti, dep habarlaıdy QazAqparat tilshisi.

«Josparǵa sáıkes Túrkistan qalasynyń býferlik aımaǵynyń 88,7 gektarlyq aýmaǵynda 18 negizgi aımaq tolyq restavratsııalanyp, qaıta qalpyna keltiriledi. Eń aldymen, jalpy aýdany 27 gektar bolatyn Túrkistan aýmaǵyndaǵy alǵashqy qalalyq qonystardyń biri - Kúltóbe qalashyǵy qaıta qalpyna keltiriletin bolady. Onda Qoja Ahmet ıAsaýı dáýirinen qalǵan 50-den astam ǵımaratty salyp, Ábilmámbet han qystaǵynyń bastapqy túrin qalpyna keltirý kózdelgen», - deıdi Arystanbek Muhamedıuly.

Mınıstrdiń aıtýynsha, Qoja Ahmet ıAsaýı kesenesiniń (Qazandyq, Gýrhana, bas portal, Úlken Aq-Saraıdyń resmı qabyldaýlar zaly) 11-12 ǵasyrdaǵy Hılvettiń, Chıllıa hananyń, 15 ǵasyrdaǵy ortaǵasyrlyq shyǵys monshasynyń, Rabııa Sultan Begim, Esim han keseneleriniń rekonstrýktsııasy josparlanǵan.

«Kóshpeli ómir saltyn ustaný úshin Etnoaýyl ashylyp, yńǵaıly bolý úshin qonys aýmaǵy landshaftty arhıtektýramen gúldenedi. Onda sheberler ortalyqtary, ulttyq taǵamdar kórmesi, kádesyılar usynylyp, ulttyq oıyndar ótkiziledi. Kelýshilerge yńǵaıly bolý úshin barlyq aýmaqta jaıaý joldar, sý burqaqtar, saıabaqtar ornalasady. 2023 jylǵa qaraı Túrkistanǵa keletin týrısterdiń sany 5 mln asa adamdy quraıtyn bolady. Olardyń kelý ýaqyty da 3 saǵattan 4-5 kúnge deıin ulǵaıady», - deıdi mınıstr.