Túrkistan áýejaıynyń aýmaǵyna 140 myń kóshet egildi

Munda 140 myń túp shaǵan, úıeńki, qaraǵash, bozarsha, jıde aǵash kóshetteri otyrǵyzyldy. Búginde tamshylatyp sýarý júıeleri júrip jatyr. Mamandardyń aıtýynsha, aldaǵy 2-3 jylda bul aımaq jaıqalyp, qalyń ormanǵa aınalady. Endi bul jerlerge dalalyq shóp tuqymdary sebilip, gazon tóselmek.

Jasyl jelekke oranǵan qaladaǵy qurylys barysyn baqylaýǵa shyqqan oblys ákimi Ómirzaq Shókeev jaýapty tulǵalarǵa tapsyrmalar berip, jumysty shıratýdy júktedi. Shaharda tek týrısttik nysandarǵa ǵana kóńil bólip qoımaı, jan-jaqty jumystar júrgizilýde. Túrkistan qalasyndaǵy ortalyq kóshelerdiń boıynda ornalasqan turǵyn úıler men ǵımarattardy biryńǵaı, bir úlgige keltirý úshin jańartý jumystary júrip jatyr.

Túrkistanda jańa jelilik saıabaq salynyp jatyr. J.Maıkotov kóshesiniń bir jaq betinde qurylysy bastalǵan jelilik saıabaq kóktemde ashylady. Turǵyndar úshin yńǵaıly orta qalyptastyrý – basty nazarda. Sondaı-aq, 28 ga quraıtyn qalalyq dendrobaqta 12 myńnan astam aǵash otyrǵyzylady. Jasyl aýmaq tolyq kógaldandyrylady. Birneshe jańa saıabaqtar ótken jyly paıdalanýǵa berildi. «Áziret Sultan qoryq murajaıynyń aýmaǵyn abattandyrýdyń birinshi kezeńi «Ortalyq saıabaq» bıyl paıdalanýǵa berildi.

Túrkistan qalasyn túrki áleminiń rýhanı ortalyǵyna aınaldyrý jáne týrısterdi tartý maqsatynda ıAsaýı kesenesiniń aınalasynda ashyq aspan astyndaǵy murajaı, mádenı demalys oryndary qyzmet kórsetýde. Qalanyń tarıhı ortalyǵynyń aýmaǵynda jeke ınvestıtsııalar esebinen respýblıkada teńdesi joq kópfýnktsıonaldy «Kerýen Saraı» týrıstik kesheniniń qurylysy júrgizilýde. Shyǵys úlgisinde salynǵan zamanaýı týrıstik keshende qolónershileri bar jabyq bazarlar, shyǵys bazary, saýda ortalyqtary, meımanhanalar, aspaly teatr, gandola qaıyqtarynyń júzýine arnalǵan birneshe sý arnalary, oıyn-saýyq ortalyǵy, sondaı-aq halyqaralyq deńgeıdegi qonaq úıler jumys isteıtin bolady. Ómirzaq Estaıuly mádenı- rýhanı ortalyqtaǵy qurylysy qaınaǵan alańdaryndaǵy jumys barysyn baqylady.