Túrkistan áýejaıy jolaýshylardy ulttyq kúımen qarsy aldy
TÚRKІSTAN. QazAqparat-El Táýelsizdiginiń 30 jyldyǵyna oraı Túrkistan Halyqaralyq áýejaıynda merekelik shara ótti,-dep habarlaıdy QazAqparat tilshisi.
Túrkistan oblystyq jolaýshylar kóligi jáne avtomobıl joldary basqarmasynyń basshysy Rolan Ibragımov pen Túrkistan qalasy ákiminiń orynbasary Jandos Tasov jolaýshylardy merekemen quttyqtady.
Shara aıasynda áýejaıda ulttyq kúıler kúmbirlep, ánnen shashý shashyldy. Sondaı-aq, mekemeniń úzdik qyzmetkerleri marapattaldy. Áýejaıǵa kelgen jolaýshylardy ónerpazdar án-kúımen qarsy alyp, merekelik kóńil-kúı syılady.
Túrkistan Halyqaralyq áýejaıy 2020 jyldyń 1 jeltoqsan kúni iske qosylyp, alǵashqy áýe reısin qabyldaǵan bolatyn. Búginde áýejaıda jalpy 16 baǵytta ushaqtar qatynaıdy. Onyń 3-i halyqaralyq, 13-i respýblıkaishilik reıster. Jańa áýejaı arqyly 1 jyl ishinde 300 000 jýyq jolaýshy ushaqpen qatynaǵan.
