Túrkistan: Armandar oryndalatyn qala
TÚRKІSTAN. QazAqparat – Túrkistanǵa sapar kez kelgen týrıske jarqyn áser syılaıdy. Qaıda qarasańyz da – meıirimdi, kúlimsiregen adamdar. Úzdiksiz salynyp jatqan qala. Úıler, qonaq úıler, keńseler. Munda baqyt úshin qajettiniń bári bar, dep habarlaıdy QazAqparat.
Munda tań atysymen ulttyq mýzykamen birge oınaıtyn sýburqaqtar bar. Qoja Ahmet ıAsaýı kesenesinde tilek tilep, kıeli ǵımaratty kórýge bolady. Aspanda qalyqtap turǵandaı kórinetin teatrdy da jaqynnan kórý kerek.
Erekshe dámdi taǵam. Samaýyr shaıy. Káýap pen samsa. Barlyǵy mahabbatpen daıyndalady. Sonymen birge, qonaqtar tilekter qudyǵyna bara alady. Shelekti túsirip, bulaq sýyn ishseńiz bolǵany, sizdiń tilegińiz mindetti túrde oryndalady.
Túrkistan qonaqtary biregeı Farab kitaphanasyna da kire alady. Munda siz tek kitap oqyp qana qoımaı, 3D prınterde kóshirmeńizdi jasaı alasyz. Nemese mýzyka jaza alasyz. Bul – Ortalyq Azııadaǵy tolyq tsıkldi jalǵyz kitaphana.
Orkestrlik shuńqyry bar drama teatry Túrkistanda 5 qyrkúıekte óz jumysyn bastaıdy jáne premera kórsetedi. Al ázirge jas ártister birden birneshe qoıylym daıyndaıdy.
Túrkistandaǵy Oqýshylar saraıyna kirýdi de umytpańyz. Jas jetkinshekter munda qolóner buıymdaryn jasaıdy, sýret salýdy jáne shahmat oınaýdy úırenedi. Kompıýterlik saýatynarttyrady. Muǵalimder óz jumysyn jaqsy kóredi jáne óz shákirtteri týraly asqan qyzyǵýshylyqpen aıtady.
Etnoaýylda serýendeý de óte qyzyqty bolmaq. Munda sadaq atýdy úırenýge bolady. Sondaı-aq, jaqynda qolónershilerdiń qalaı jumys isteıtinin de kórýge bolady. Qonaqtar sazdan ydys jasaýdy úırenýi múmkin. Demalys kúnderi ulttyq kostıýmdegi jas sulýlar bı bıleıdi jáne án aıtady. Bul búkil otbasy úshin tamasha demalys orny bolmaq.
Árıne, Kerýen saraıyna barýdy da umytpańyz. Onda Qyz Jibek pen Tólegenniń mahabbat týraly ańyzyn, ot elementteri bar sý shoýyn tamashalańyz. Kúndiz jaıly kafelerde otyryp, sándi dúńgirshekterde saýda-sattyq jasaýǵa bolady. Sýdyń janynda otyryp jaı ǵana armandańyz. Túrkistanda barlyq arman oryndalatyn tárizdi.
