Túrkistan álemdik deńgeıdegi shahar retinde damytylady
TÚRKІSTAN. QazAqparat - Búgin Túrkistan oblysynyń ortalyǵynda sáýletshiler men arheologtar, tarıhshylar men sýretshiler bas qosty. Óz salalarynda elimizge belgili 40-qa jýyq azamat dóńgelek ústel barysynda Túrkistan qalasyn túrki áleminiń rýhanı-mádenı ortalyǵy retinde damytý jaıyn sóz etti, dep habarlaıdy QazAqparat tilshisi.
Túrkistan qalasyndaǵy jıynǵa qatysqan oblys ákimi Janseıit Túımebev oblys ortalyǵyna aınalyp otyrǵan shahardy ekonomıkalyq, áleýmettik, rýhanı-mádenı jaǵynan damytý basty maqsat ekenin atap ótti.
«Túrkistan qalasyn álemdik deńgeıdegi tarıhı-mádenı ortalyq retinde damytý úshin «Kóne Túrkistan» tujyrymdaamasy jasaldy. Onyń basty baǵyttarynyń biri týrıstik ındýstrııany damytý bolyp belgilendi. Jobanyń negizgi ıdeıalyq máni - Túrkistan qalasyn Túrki áleminiń tarıhı astanasy konteksinde «TÚRKSOI» uıymyna múshe elderge usyný. Sonymen qatar, túrkitildes halyqtardyń sáýlettik, etnografııalyq jáne ulttyq gastronomııalyq baǵyttaryn tanytyp, qalany túrki áleminiń mádenı ortalyǵyna aınaldyrý bolyp tabylady»,-dedi oblys ákimi.
Aımaq basshysynyń aıtýynsha, jalpy joba 99,6 gektar jer aýmaqty qamtı otyryp, úsh kezeńde iske asyrylatyn bolady. Birinshi kezeńde Túrkııa tarapynan salynǵan meshittiń ońtústik shyǵys betindegi 61,8 gektar jer aýmaǵyna «Etonosaıabaq» salý kózdelse, ekinshi kezeńde Qoja Ahmet ıAssaýı kesenesiniń qarsy betindegi 12,3 gektar jer aýmaǵynda «TÚRІKSOI» uıymyna múshe elderdiń mádenı oshaqtary men sol elderdiń tarıhyn sıpattaıtyn nysandardyń qurylysy júrgiziletin bolady. Al, úshinshi kezeńde Qoja Ahmet ıAssaýı kesenesiniń 88,7 gektar aýmaǵyndaǵy bekinis qorǵany men arbatty jáne onyń boıyndaǵy ǵımarattar jańǵyrtylmaq.
Otyrysta Á.H.Marǵulan atyndaǵy Arheologııa ınstıtýtynyń dırektory, tarıh ǵylymdarynyń doktory, profesor Baýyrjan Baıtanaev, Intellekt-ekspert» áleýmettik-ekonomıkalyq zertteýler ortalyǵynyń dırektory, tarıh ǵylymdarynyń doktory, profesor, akademık Sattar Májıtov, ádebıet synshysy, jazýshy, tarıhshy ǵalym Qulbek Ergóbek, QR qurmetti sáýletshisi, saıasattaný ǵylymdarynyń kandıtaty Ǵabıt Sadyrbaev, tarıh ǵylymdarynyń doktory, professor Hangeldi Ábjanovtar sóz alyp, Túrkistandy damytý boıynsha óz oılaryn ortaǵa saldy.
Jıyndy qorytyndylaı kele oblys ákimi Túrkistan týrızm salasy boıynsha Samarqan, Buhara, Hıýa sııaqty qalalarmen básekelesip, Túrki áleminiń astanasy jáne oblys ortalyǵy retinde álemdik arenada Qazaqstannyń bedelin bıiktetip, mártebesin asqaqtatatynyn jetkizdi. Sonymen qatar, utymdy usynysqa qoldaý bildirgen barsha jıynǵa qatysýshylarǵa shynaıy alǵysyn aıtty.
