Túrkistan ÁKK tyıym salynǵanyna qaramastan eki jyl boıy ınvestorlarǵa nesıe berip kelgen

TÚRKІSTAN. QazAqparat - Túrkistan oblysy boıynsha báselekelestikti qorǵaý jáne damytý departamentiniń atyna Túrkistan oblysy prokýratýrasynan usynys túsken. Onda monopolııaǵa qarsy organnyń «Áleýmettik-kásipkerlik korporatsııasy» AQ-nyń kelisilmegen qyzmet túrin kórsetýin tekserýdi ótingen, dep habarlaıdy QazAqparat.

Túrkistan ÁKK 2018 jylǵy naýryzdan bastap 2020 jylǵy qazanǵa deıin ınvestıtsııalyq jobalardy iske asyrý sheńberinde ınvestorlarǵa nesıe somasynan jyldyq syıaqy mólsherlemesi 0,01%-dan 14%-ǵa deıin jalpy somasy 5,7 mıllıard teńgege nesıe bergen.

Alaıda, Túrkistan oblysynyń aýyl sharýashylyǵy basqarmasy buıryǵymen bekitilgen Túrkistan ÁKK jarǵysyna sáıkes nesıe berý boıynsha qyzmet túri kózdelmegen.

Úkimettiń 2015 jylǵy 28 jeltoqsandaǵy №1095 qaýlysymen bekitilgen, memlekettik kásiporyndar, aktsııasynyń (jarǵylyq kapıtalǵa qatysý úlesiniń) elý paıyzynan astamy memleketke tıesili zańdy tulǵalar jáne olarmen úlestes tulǵalar júzege asyratyn qyzmet túrleriniń tizbeniń 4-bólimine sáıkes «nesıe berý» qyzmet túri kózdelmegen.

Departament QR Kásipkerlik kodeksiniń normalaryn basshylyqqa ala otyryp, Túrkistan ÁKK-ne qatysty «nesıe berý» boıynsha qyzmet túrin kórsetýdi toqtatý arqyly «buzýshylyqtar men olardyń saldaryn joıý týraly» nusqama joldady.

Alaıda, Túrkistan ÁKK Túrkistan oblysynyń mamandandyrylǵan aýdanaralyq ákimshilik sotyna «buzýshylyqtar men olardyń saldarlaryn joıý týraly» nusqamanyń kúshin joıý jáne zańsyz dep taný týraly ákimshilik talap aryz joldady.

2022 jylǵy 22 qyrkúıekte MAÁS Túrkistan ÁKK-niń ákimshilik talap aryzyn ishinara qanaǵattandyrý týraly sheshim shyǵardy, atap aıtqanda, Departamenttiń nusqamasy áleýmettik mańyzy bar azyq-túlik taýarlaryna baǵany turaqtandyrý tetigin iske asyrý úshin nesıe berý bóliginde ǵana joıyldy.

Al, MAÁS sheshimimen ınvestıtsııalyq jobalardy iske asyrý sheńberinde nesıeni zańsyz berý faktisi anyqtaldy.

Búgingi tańda Túrkistan ÁKK atalǵan MAÁS sheshimimen kelispeı, Túrkistan oblystyq sotynyń ákimshilik ister jónindegi sot alqasyna apellıatsııalyq shaǵym joldady.