Túrkistan ákimi aı saıyn «Ashyq esik kúnin» ótkizbek
TÚRKІSTAN. QazAqparat – Túrkistan qalasynyń ákimi Rashıd Aıýpov turǵyndardyń ótinim-usynystaryn tyńdaý úshin «Ashyq esik kúnin» ótkizdi, dep habarlaıdy QazAqparat tilshisi.
Qabyldaýǵa kelgen azamattardyń biri múmkindigi shekteýli jandarǵa qoldaý tanytýdy ári arnaıy ortalyq ashý úshin jer telimin surady. Birneshe azamat densaýlyq jaǵdaıyna baılanysty yńǵaıly jumysqa turýyna qoldaý bildirýdi ótindi.
Sondaı-aq, qala turǵyndaryna rýhanı azyq syılap júrgen teatr qyzmetkerleri akterler úıin jekeshelendirý joldaryn qarastyrýdy usyndy. Sonymen birge, qabyldaýda ózge de kóptegen máseleler talqylandy. Rashıd Abatuly árbir derbes bólim basshylaryna atalmysh máselelerdiń qysqa merzimde sheshilýi úshin nazarǵa alynyp, qajetti jumystar júrgizilýin tapsyrdy. «Halyqtyq ákimdik» qurýdy maqsat etken Rashıd Abatuly endi aı saıyn osyndaı ashyq kezdesýlerdi júzege asyratynyn aıtyp ótti.
