«Turkish Open» týrnıriniń alǵashqy kúninde taekvondoshylar 2 altyn aldy
ASTANA. QazAqparat - Qazaqstannyń taekvondo quramasy (WT) Ystanbulda ótip jatqan «Turkish Open» reıtıngtik týrnıriniń alǵashqy kúninde-aq 2 altyn, 1 kúmis jáne 2 qola medalǵa qol jetkizdi, dep habarlaıdy «SPORTINFORM» SAA Qazaqstan taekvondo federatsııasyna silteme jasap.
54 kelige deıingi salmaq dárejesinde Aıtýar Shaıkenov úzdikter qatarynan kórindi. Tórt jekpe-jekte jeńiske jetken ol, fınalda 17:5 esebimen grekııalyq Dıonısıýs Ropsamanıkısti aıqyn basymdylyqpen jeńdi.
68 kelige deıingi salmaq dárejesinde Erasyl Qaıyrbekov bes jekpe-jekte de qarsylastarynan basym tústi. Jartylaı fınalda ol óz otandasy, 2014 jylǵy Azııa oıyndarynyń fınalısi Nursultan Mamaevtan basym tústi. Sheshýshi kezeńde belgııalyq Sı Mýhammed Ketbıdi 18:16 esebimen jeńip altyn medalǵa qol jetkizdi.
63 kelide Álimjan Serikbaev ekinshi oryn, Qazybek Baqtııaruly úshinshi orynǵa taban tiredi.
Esterińizge sala keteıik, «Turkish Open» týrnıri bastalmaı jatyp, klýbtar arasyndaǵy Ystanbulda qatar ótip jatqan Eýropa chempıonatynda taekvondodan Qazaqstan quramasy 2 altyn, 1 kúmis jáne 4 qola medal ıelendi.
