«Turkish Airlines» Ystanbuldan Astanaǵa jáne Almatyǵa reısterin toqtatty
ASTANA. QazAqparat - QR Investıtsııalar jáne damý mınıstrligi týrızm komıtetiniń jetekshisi Marat Iǵalıdiń aıtýynsha, TURKISH AIRLINES áýe kompanııasy aýa raıynyń qolaısyzdyǵyna baılanysty (qalyń qar) Ystanbuldan Astanaǵa jáne Almatyǵa reısterin toqtatty.
Aýa raıy boljamyna sáıkes aldaǵy táýlikterde elde qalyń qar jaýady dep kútilýde. Bul óz kezeginde ushaq jolaqtaryn tazartýǵa kedergi keltiredi.
Aıta keteıik, jeltoqsannyń 6-synan bastap Ystanbulda aýa raıy buzylyp, qalyń qar men qatty jeldiń saldarynan barlyq áýe reısteriniń ushýy toqtatylǵan bolatyn. Sonyń saldarynan Atatúrik áýejaıynan Almatyǵa júzden astam adam usha almaı otyrǵan.
«Qańtardyń 6-sy men 7-si kúngi Ystanbul-Astana baǵytyndaǵy «Air Astana» áýe kompanııasynyń jolaýshylary jergilikti ýaqyt boıynsha túngi saǵat 2:50-de bir bortpen keri qaıtqan. Olardyń jalpy sany - 146 adam», - deıdi týrızm komıtetiniń basshysy Marat Igalı.
Buǵan deıin týrızm departamenti Taılandta júrgen qazaqstandyqtarǵa asa saq bolýǵa keńes bergen bolatyn.
