Turkish Airlines ushaǵy jarylǵysh týraly habardan keıin Aljırge qondy
ASTANA. QazAqparat - Ystanbuldan Kasablankaǵa (Marokko) bet alǵan Turkish Airlines avıakompanııasynyń ushaǵy bomba týraly habar alǵan soń Aljır astanasynyń áýejaıyna shuǵyl qondy. Bul týraly reseılik TASS agenttigi habarlady.
Ushaq jerge qonǵan soń onyń jolaýshylary evakýatsııalandy. Polıtsııa qyzmetkerleri áýe kemesin tintip shyqty. Alaıda jarylǵysh tabylmady. Oqıǵadan zardap shekkender týraly ázirge habarlanbady.
